The archbishop's mandate

Henricus, [Dei gratia Eboracensis archiepiscopus, Angliae primas et apostolicae sedis legatus,] venerabili fratri nostro Domino Thomae, Dei gratia Dunelmensi episcopo, suffraganeo nostro, salutem et fraternam in Domino caritatem. Cum itaque sacrorum canonum edoceant instituta ut per metropolitanos singulos in suis provinciis pro discutiendis cum debita maturitate arduis emergentibus negotiis omni anno provincialia concilia celebrentur, eo tamen praecipius tempore vigilantiori studio convenit huiusmodi concilia convocari cum emerserunt gravia et insolita negotia quae absque plurium peritorum concilio facile nequeunt expediri, unde ex causis praemissis diversis et arduis statum et reformationem ecclesiarum et ecclesiasticarum personarum nostrae Eboracensis provinciae concernentibus, ac propter quaedam alia quae circa generale concilium domini nostri papae moderni auctoritate statutum et propius celebrandum, praesidiaque alia eidem domino nostro papae affectibus requirenda ad resistendum hostibus suis notissimis et Ecclesiae Romanae qui eius status et ecclesiae praedictae ac subditorum acturis continuis eiusdem fideli devotione assistentium subversionem iugiter malignantur nobis a sede apostolica fuerint demandata prout in locis apostolicis plenius continetur, vobis intime declarandis nostrum concilium provinciale duximus convocandum, nos dictae sedis apostolicae auctoritate et nostra suffiilti, vobis, venerabilis frater, in virtute oboedientiae iniungimus et mandamus, vosque tenore praesentium peremptorie citamus ac per vos priorem ecclesiae vestrae Dunelmensis et capitulum eiusdem, ac universos abbates et priores proprios abbates non habentes, exemptos et non exemptos, necnon decanos, archidiaconos, praepositos, sacrae theologiae professores ac iuris canonici et civilis doctores, capitula, conventus et collegia, clerumque totius diocesis vestrae et civitatis Dunelmensium citari volumus et mandamus, quatenus vos, domine episcope, dictique abbates, priores, decani, archidiaconi, praepositi, professores et doctores personaliter, capitula vero conventus et collegia singula per procuratores singulos, clerusque per duos procuratores idoneos sufficienter instructos plenam et sufficientem potestatem ab ipsis obtinentes, coram vobis compareatis et compareant in ecclesia nostra cathedrali et metropolitica Eboracensi, die Lunae proximo post festum Omnium Sanctorum, videlicet quinto die mensis Novembris proximo venturi [5 November 1414] cum continuatione et prorogatione dierum sequentium quatenus opus fuerit, super proponendis in dicto concilio nostro nobiscum una cum aliis praelatis quos tune ibidem praesentes esse contigerit tractaturi, salubre consilium impensuri, necnon ea quae statuta ordinata et facta fuerunt humiliter admissuri ac omnia efficiaciter impleturi, ulterius facturi et recepturi quod ibidem pro communi valitate ecclesiae et cleri divina bonitas concesserit ordinare, praemunientes vos et ceteros per vos citandos praemuniri mandamus, quod absentes in termino supradicto nisi propter evidentes causas et rationabiles, de quibus fidem faciant legitime fuerint impediti tanquam inoboedientes et contumaces iuxta iuris exigentiam puniemus. Qualiter autem hoc nostrum mandatum fueritis executi ac de nominibus citatorum nos dictis die et loco distincte et aperte certificare curetis per literas vestras patentes harum seriem continentes. Datum apud Newark nono die mensis Octobris anno Domini millesimo CCCCmo quarto decimo et nostrae translationis octavo [9 October 1414].

The royal writ for a parliament

Rex venerabili in Christo patri Simoni eadem gratia archiepiscopo Cantuariensi totius Angliae primati salutem. Quia de avisamento concilii nostri et quibusdam arduis et urgentibus negotiis nos, statum et defensionem regni nostri Angliae ac Ecclesiae Anglicanae contingentibus quoddam parliamentum nostrum apud Northampton die Lunae proximo post festum Omnium Sanctorum proximo futurum [5 November 1380] teneri ordinavimus et ibidem vobiscum ac cum ceteris praelatis, magnatibus et proceribus dicti regni nostri Angliae colloquium habere et tractatum, vobis in fide et dilectione quibus nobis tenemini firmiter iniungendo mandamus quod consideratis dictorum negotiorum arduitate et periculis imminentibus, cessante quacunque excusatione dictis die et loco personaliter intersitis nobiscum ac cum ceteris praelatis, magnatibus et proceribus praedictis super dictis negotiis tractaturi eorumque consilium impensuri. Et hoc sicut nos et honorem nostrum ac salvationem regni nostri praedicti ac ecclesiae sanctae, expeditionemque dictorum negotiorum diligitis, nullatenus omittatis, ne, quod absit, per vestram absentiam quam nisi tanta infirmitate tune detenti fuerint quod aliqualiter illuc laborare non poteritis nullo modo excusatam habere volumus ista vice. Expeditio negotiorum nostrorum praedictorum retardatur seu aliqualiter differatur. Praemunientes priorem et capitulum ecclesiae vestrae Cantuariensis ac archidiaconos totumque clerum vestrae diocesis quod iidem prior et archidiaconi in propriis personis suis ac dictum capitulum per unum, idemque clerus per duos procuratores idoneos plenam et sufficientem potetstatem ab ipsis capitulo et clero habentes praedictis die et loco personaliter intersint ad consentiendum his quae tune ibidem de communi consilio procerum regni nostri, divina favente dementia, contigerit ordinari. Teste rege apud Westmonasterium, vicesimo sexto die Augusti, anno regni nostri quarto [26 August 1380].

The archbishop's mandate for a convocation

Simon, permissione divina Cantuariensis archiepiscopus, totius Angliae primas et apostolicae sedis legatus, venerabili fratri nostro Domino Willelmo, Dei gratia episcopo Londoniensi, salutem et fraternam in Domino caritatem. Ingens et indissimulata negotiorum necessitas arduorum nedum Anglicanae concernentium utilitatem Ecclesiae, sed etiam domini nostri regis et regni sui statum, tranquillitatemque quietis eiusdem ac bonum publicum, (ut speramus), multipliciter nos urget, licet cum fastidio, praelatos et clerum nostrae Cantuariensis provinciae convocare et ad hoc etiam faciendum cum frequenti et assidua ipsius regis nostri instantia breve regium recepimus in haec verba:

The first royal writ

Henricus, Dei gratia rex Angliae et Franciae et dominus Hiberniae custodi spiritualitatis archiepiscopatus Eboracensis, sede vacante, salutem. Quibusdam arduis et urgentibus negotiis nos et statum regni nostri ac honorem et utilitatem Ecclesiae Anglicanae intime concernentibus, vobis in fide et dilectione quibus nobis tenemini rogando mandamus quatenus praemissis debito intuitu attentis et ponderatis, universos ac singulos episcopos Eboracensis provinciae, decanos et priores ecclesiarum cathedralium, abbates et priores et alios electivos, exemptos et non exemptos, necnon archidiaconos, capitula, conventus et collegia totumque clerum cuiuslibet diocesis vestrae provinciae ad comparendum coram vobis in ecclesia cathedrali Sancti Petri Eboracensis, vel alibi prout melius expedire videritis, citra festum Annuntiationis Beatae Mariae proximo futurum [25 March 1408] more solito convocari faciatis ad tractandum, concordandum, consentiendum et concludendum super praemissis et aliis quae sibi clarius exponentur tune ibidem ex parte nostra. Et hoc sicut nos et statum dicti regni ac honorem nostrum ac honorem et utilitatem ecclesiae praedictae diligitis nullatenus omittatis. Teste me ipso apud Westmonasterium decimo octavo die Februarii anno regni nostri nono [ 18 February 1408].

The archbishop's first mandate to the bishop of Durham

Henricus, permissione divina Eboracensis archiepiscopus Angliae primas et apostolicae sedis legatus, venerabili fratri nostro Thomae, Dei gratia Dunelmensi episcopo, salutem et fraternam in Domino caritatem. Pro quibusdam arduis et urgentibus negotiis statum, defensionem et utilitatem ecclesiae et regni Anglicanorum concernentibus, praelatos et clerum nostrae Eboracensis provinciae nunc prae ceteris temporibus magna nos urget necessitas convocare quodque propter hoc [ipsum] breve regium recepimus in haec verba:

Dictorum vero tractatuum sic, ut praescribitur, combustorum, unus fuit in quaternis non ligatis, continentes plures modicos tractatus periculosissimos, ac subversionem fidei nostrae et ecclesiae, et qui fuit Domini Iohannis Oldcastle, militis, domini de Cobham, captus prius et repertus cum uno Lymnore, in Paternoster Row Londoniis, ad eluminandum. Qui eluminator in ipsa captione dixit cuius fuit liber. Alius vero fuit ligatus et venit de Coventria, plenus toxico et veneno contra ecclesiam Dei. In die vero, quo dicti tractatus fuerunt damnati et adiudicati igni cum combustione eorundem, certae de maioribus et periculosioribus conclusionibus, tractatus dicti Domini Iohannis Oldcastle fuerunt lectae coram rege, ac fere universis praelatis et proceribus Angliae, in interiori camera ipsius domini nostri [27v] regis apud Kennington, praesente et audiente praefato Domino Iohanne Oldcastle signanter ad hoc vocato. Ipse vero dominus noster rex maxime abhorruit conclusiones illas, ut pessimas contra fidem et ecclesiam, quas unquam audivit. Et inquisitus a rege dictus Dominus Iohannes Oldcastle an putaret dictum tractatum fore iuste et merito damnatum, dixit quod sic. Interrogatus quare uteretur vel haberet tractatum huiusmodi, dixit quod nunquam usus est eo, nee legit in eodem ultra duo folia.

Et memorandum quod in dicta convocatione praefatus Dominus Oldcastle fuit detectus per totum clerum provinciae Cantuariensis super infamia sua in erroribus et haeretica pravitate, et qualiter in pluribus diocesibus tenuisset, asseruisset et defendisset conclusiones erroneas et haereticas, ac quod capellanos in huiusmodi erroribus et haeresibus suspectos, et etiam prius convictos, ad domum suam recepisset, favisset, recreasset, defendisset et eos ad diversa loca provinciae ad praedicandum et seminandum huiusmodi semen malum in subversionem fidei et status ecclesiae transmisisset; fuitque supplicatum ex parte eiusdem cleri domino archiepiscopo et praelatis, ut vocaretur dictus Dominus Iohannes Oldcastle coram eisdem, super his personaliter responsurus. Et quia videbatur domino archiepiscopo et praelatis, dominum nostrum regem prius consulendum super isto, eo quod familiaris eius extiterat, accesserunt ad dictum dominum regem apud Kennington praedictum et eum in reverentia debita consuluerunt super isto.

Et dominus rex regratiabatur benevolentiis eorundem, et eis supplicavit quatenus ob reverentiam suam, eo quod familiaris eius extiterat, et etiam ob reverentiam ordinis militaris, deferrent procesum, et executionem omnimodam fiendam contra eum, promittens eis quod ipse vellet laborare circa eum ad ipsum reducendum in omni mansuetudine, et lenitate, ab invio erroris sui ad rectam semitam veritatis. Et quodsi hoc non posset facere, traderet eum eis iuxta sanctiones canonicas puniendum, et ad hoc eis assisteret in omni auxilio et brachio saeculari.

The archbishop's mandate

Venerabili in Christo patri et domino Domino Waltero, Dei gratia episcopo Dunelmensi, ecclesiae Eboracensis suffraganeo, Iohannes de Newton legum doctor, ecclesiae cathedralis Eboracensis thesaurarius, reverendi in Christo patris et domini Domini Richardi, Dei gratia Eboracensis archiepiscopi, Angliae primatis et apostolicae sedis legati in spiritualibus vicarius generalis, salutem in eo qui est omnium vera salus. Breve regium nobis per dictum reverendum patrem nuper transmissum recepimus in haec verba:

Acts of the convocation

[71r] Convocatio praelatorum et cleri Cantuariensis provinciae facta per reverendissimum in Christo patrem et dominum Dominum Thomam, permissione divina Cantuariensem archiepiscopum, totius Angliae primatis et apostolicae sedis legatum, in ecclesia Sancti Pauli Londoniarum, die Lunae, videlicet vicesimo tertio mensis Iulii anno Domini millesimo quadringentesimo octavo, secundum cursum et computationem Ecclesiae Anglicanae, indictione prima, pontificatus sanctissimi in Christo patris et domini nostri Domini Gregorii, divina providentia papae duodecimi anno secundo, et translationis eiusdem archiepiscopi duodecimo.

Monday 23 July 1408

Praefato vicesimo tertio die Iulii, missa de Sancto Spiritu, ut est moris, ad summum altare Sancti Pauli supradictae per dictum reverendissimum patrem Cantuariensem archiepiscopum solemniter celebrata, idem reverendissimus pater, una cum venerabilibus confratribus suis suffaganeis et coepiscopis suae Cantuariensis provinciae, videlicet Richardo Londoniensi, Henrico Wintoniensi, Philippo Lincolniensi, Iohanne Eliensi, Edmundo Exoniensi, Nicholao Bathonensi et Wellensi, Thoma Wigorniensi, Roberto Cicestrensi, Roberto Sarum, Richardo Roffensi et Iohanne Landavensi episcopis, quinquaginta quatuor abbatibus et quinquaginta prioribus et clero supradicto accessit ad capellam Beatae Mariae eiusdem ecclesiae, et facta ibidem collatione per eximiae literaturae virum Magistrum Robertum Stoneham artium magistrum et sacrae theologiae scholarem, sumptopro themate: ‘Exsurge, quare obdormis?’ dominus, ipsoque themate multum laudabili et pertinente ad materiam in ipsa convocatione tractandam prosecuto, exhibitum fuit certificatorium dicti domini episcopi Londoniensis de et super executione mandati dicti reverendissimi patris Cantuariensis archiepiscopi pro convocandis praelatis et clero dictae Cantuariensis provinciae sibi directi, et ibidem coram praefatis praelatis et clero per venerabilem virum Magistrum Willelmum Milton, archidiaconum Buckingham in legibus inceptorem, dicti reverendissimi patris registrarium, publice perlectum, cuius tenor sequitur et est talis:

Reverendissimo in Christo patri et domino Domino Thomae, Dei gratia Cantuariensi archiepiscopo, totius Angliae primati et apostolicae sedis legato, vestrisve locumtenentibus seu commissariis quibuscunque, Richardus, permissione divina Londoniensis episcopus, oboedientiam et reverentiam tanto patri debitas cum honore, mandatum vestrum reverendissimum nobis directum cum reverentia qua decuit nuper recepimus in haec verba:

The archbishop's mandate

The royal writ for a parliament on 17 April

Rex venerabili in Christo Iohanni, eadem gratia archiepiscopo Eboracensi, Angliae primati, salutem. Quia pro quibusdam arduis et urgentibus negotiis nos et statum regni nostri Angliae ac necessariam defensionem eiusdem regni et Ecclesiae Anglicanae concernentibus, ordinavimus parliamentum nostrum apud Westmonasterium die Lunae proximo post septimanam Paschae proximo futuro [ 17 April 1357] tenere et vobiscum et cum ceteris praelatis, magnatibus et proceribus dicti regni nostri Angliae habere colloquium et tractatum, vobis in fide et dilectione quibus nobis tenemini firmiter iniungendo mandamus quatenus, cessante excusatione quacunque, dictis die et loco personaliter intersitis nobiscum ac cum dictis praelatis, magnatibus et proceribus dicti regni super negotiis praedictis tractaturi, vestrumque consilium impensuri. Et hoc sicut nos et honorem nostrum ac commune commodum et salvationem et defensionem dicti regni nostri Angliae diligitis, nullatenus omittatis. Praemunientes decanum et capitulum ecclesiae vestrae Beati Petri Eboracensis ac archidiaconos totumque clerum vestrae diocesis, quod iidem decanus et archidiaconi in propriis personis suis ac dictum capitulum per unum, idemque clerus per duos procuratores idoneos plenam et sufficientem potestatem ab ipsis capitulo et clero habentes, praedictis die et loco personaliter intersint, ad faciendum et consentiendum his quae tune de communi consilio, favente Domino, ordinari contigerit super negotiis antedictis. Et quia propter arduitatem negotiorum praedictorum et celeriorem expeditionem eorundem, volumus primo die parliamenti personaliter interesse, nolumus nee intendimus vos aut aliquem alium ad dictum parliamentum summonitum quin eodem primo die personaliter intersitis habere ullo modo excusatos, nee excusationem a vobis admittere aliqualem. Teste rege apud Westmonasterium quintodecimo die Februarii [15 February 1357]. Per ipsum regem et concilium.

Similar writs were sent to the bishops of Durham and Carlisle, and to the abbots of York St Mary and Selby.

The royal writ for a parliament on 7 June

Rex venerabili in Christo patri Willelmo, eadem gratia archiepiscopo Eboracensi, Angliae primati, salutem. Quia pro quibusdam arduis et urgentibus negotiis honorem Dei et decus et defensionem Ecclesiae Anglicanae ac necessarium et salubre regimen populi et regni nostri Angliae summe contingentibus, ordinavimus parliamentum nostrum apud Westmonasterium die Lunae proximo post octabas Sanctae Trinitatis proximo futuras [7 June 1344] tenere, et ibidem vobiscum ac cum ceteris praelatis, magnatibus et proceribus regni nostri Angliae colloquium habere volumus et tractatum, vobis in fide et dilectione quibus nobis tenemini firmiter iniungimus et mandamus quatenus excusatione quacunque postposita arduitateque negotiorum praedictorum considerata, dictis loco et die personaliter intersitis nobiscum si praesentes fuerimus ibidem seu cum deputandis a nobis, si abesse nos contigerit, et cum ceteris praelatis, magnatibus et proceribus praedictis super dictis negotiis tractaturi, vestrumque consilium impensuri. Et hoc sicut nos et honorem nostrum ac expeditionem negotiorum praedictorum diligitis nullatenus omittatis. Et praemuniatis priorem et capitulum ecclesiae vestrae Beati Petri Eboracensis ac archidiaconos, totumque clerum vestrae diocesis, quod iidem prior et archidiaconi in propriis personis suis, dictumque capitulum per unum idemque clerus per duos procuratores idoneos, plenam et sufficientem potestatem ab ipsis capitulo et clero habentes, praedictis loco et die personaliter intersint ad consentiendum his quae tune ibidem de communi consilio ipsius regni Angliae divina favente gratia contigerit ordinari. Teste rege apud Westmonasterium, vicesimo die Aprilis [20 April 1344]. Per ipsum regem et concilium.

Similar writs were sent to the bishops of Durham and Carlisle, and to the abbots of York St Mary and Selby.

The royal writ for a convocation on 14 June

Rex venerabili in Christo patri Willelmo, eadem gratia archiepiscopo Eboracensi Angliae primati, salutem.

The archbishop's mandate

Willelmus [permissione divina Eboracensis archiepiscopus, Angliae primas et apostolicae sedis legatus,] dilecto in Christo filio officiali curiae nostrae Eboracensis salutem, gratiam et benedictionem. Quia quaedam ardua et urgentia negotia statum et libertatem ecclesiae nostrae metropoliticae concementia concilium nostrum die veneris proximo post synodum nostram Michaelis [5 October 1453] in ecclesia nostra praedicta per Dei gratiam intendimus celebrare, in quo, divina assistente dementia, de communi consilio praelatorum et cleri nostrae diocesis super praemissis ordinari poterit remedium salutare, vobis mandamus quatenus citetis seu citari faciatis omnes et singulos abbates, priores proprios abbates non habentes, tarn exemptos quam non exemptos, necnon omnes archidiaconos in cathedrali nostra praedicta et capitula omnium et singulorum ecclesiarum et collegiorum eiusdem nostrae diocesis, clerumque spiritualitatis de Howden et Howdenshire, de Allerton et Allertonshire, ac praepositum ecclesiae nostrae collegiatae Beati Iohannis Beverlaci et clerum praepositurae eiusdem, totumque clerum nostrae diocesis, quod iidem abbates, priores, archidiaconi et praepositus personaliter, singula vero cpaitula per unum et clerus cuiuslibet archidiaconatus seu iurisdictionis per duos sufficientes procuratores praedicto die Veneris, cum continuatione et prorogatione dierum sequentium et locorum si oporteat, coram nobis seu commissariis nostris in ecclesia nostra cathedrali Eboracensi praedicta compareant et sint praesentes in concilio nostro praedicto, super his quae totius ecclesiae praedictae ac eius necessitatem et utilitatem necessariam concernunt, tune inibi exponenda coram eis, consilium suum providum impensuri, facturique et recepturi quod ipsum sacrum concilium, divina cooperante providentia, duxerit ordinandum, eisdem expressius intimantes quod contra absentes in forma canonica procedemus, nullius sic absentis excusationem admissuri nisi quatenus ad hoc nos arctaverint canonicae sanctiones. Denuntiantes insuper seu denuntiari facientes in genere ceteris omnibus qui gravatos se censerint, quod in casibus illis quorum correctio seu reformatio ad concilium huiusmodi pertinere dignoscuntur, audientia efficax per divinam clementiam eis in forma debita concedetur et fiet in omnibus nisi ac complementum. De die vero receptionis praesentium et qualiter hoc mandatum nostrum fueritis executi, necnon de nominibus abbatum, priorum, archidiaconorum, praepositi ac procuratorum conventuum, capitulorum, collegiorum et cleri praedictorum per vos in hac parte citatorum nos seu commissarios nostros citra dictum diem Veneris certificantes distincte et aperte per vestras literas patentes harum seriem continentes. Datum sub sigillo nostro in manerio nostro de Thorp iuxta Eboracum, tertio die mensis Augusti anno Domini millesimo CCCC quinquagesimo tertio nostrarumque consecrationis anno septimo et translationis secundo [3 August 1453].

From the early fourteenth century until 1965 the convocation was opened with a religious service (usually at St Paul's cathedral) at which a special sermon was preached. Details of those known to us (with the sees of bishops and archbishops who preached indicated in brackets after their names) are given below. An asterisk (*) indicates that the sermon has been published. (All those from 1865 onwards are found, printed in full, in The Chronicle of Convocation.)

The archbishop's mandate for the convocation

Iohannes, permissione divina Eboracensis archiepiscopus, Angliae primas et apostolicae sedis legatus, venerabili fratri nostro Thomae, Dei gratia Dunelmensi episcopo, salutem et fraternam in Domino caritatem. Breve regium nuper recepimus in haec verba:

Quocirca tenore praesentium vos peremptorie citamus ac priorem ecclesiae vestrae Dunelmensis et capitulum eiusdem universosque abbates et priores alios etiam electivos exemptos et non exemptos, archidiaconos, decanos, capitula, conventus et collegia, clerumque totum dictarum civitatis et dioecesis Dunelmensium per vos citari in virtute oboedientiae volumus et mandamus quod vos reverende frater dictique abbates, priores, archidiaconi et decani personaliter, conventus vero capitula et collegia huiusmodi per procuratores suos singulos, atque clerus per duos sufficientes procuratores et idoneos ab ipsis conventibus, capitulis, collegiis et clero legitime deputatos, die Lune videlicet undecimo die mensis Iunii proximo futuro [11 June 1436] in ecclesia nostra cathedrali Eboracensi coram nobis seu locumtenentibus et commissariis nostris pluribus aut uno compareatis ac compareant quilibet eorundem super his quae statum et libertatem nostrarum ecclesiae, dioecesis et provinciae ac defensionem regni Angliae necessariam intunc concernunt ut praefertur, exponi ibi contigerit nobiscum una cum aliis praelatis dictae nostrae provinciae, cum continuatione et prorogatione sequentium tune dierum, praesentibus tractaturi et vestrum consilium sanum super praemissis et ea concernentibus impensuri, his etiam quae ibidem concorditer ordinari contigerit, consensuri, facturi, et recepturi quod huiusmodi convocationis negotia exigunt et natura.

The king's request for a subsidy

Rex venerabili in Christo patri Willelmo, eadem gratia Eboracensi archiepiscopo, Angliae primati, salutem. Quia Scoti inimici et rebelles nostri qui tempore Domini Edwardi quondam regis Angliae patris nostri contra quern in rebellionem proruperunt et nostro postmodum infra regnum nostrum homicidia, depraedationes, incendia et alia damna innumerabilia multipliciter perpetrarunt, finita treuga inter nos et ipsos nuper inita dictum regnum nostrum in magna multitudine ingressi in eodem consimilia facinora perpetrantes aetati vel sexui seu loco sacro vel religioso non parcentes, ac quidam magnates de regno nostro nobis subditi a iamdiu nobis inoboedientes et rebelles se in magna multitudine ad partes boreales transtulerunt populum nostrum destruentes ac castrum nostrum de Tickhull armata potentia obsedentes, per quod ordinavimus et esse proponimus, Domino concedente, apud Coventry prima Dominica Quadragesimae proximo futura [28 February 1322] cum equis et armis quanto decentius et potentius poterimus ad proficiscendum exinde contra dictos inimicos inoboedientes et rebelles nostros ad eorum malitiam et proterviam cum Dei adiutorio refrenandas. Nos de vestra fidelitate ad plenum confidentes sperantes etiam quod in tanto et tarn arduo negotio nos et statum ac salvationem regni nostri praedicti specialiter tangente manu porrigere velitis adiutricem, vobis in fide et dilectione quibus nos tenemini firmiter iniungentes mandamus vos etiam specialiter requirimus et rogamus quatenus de hominibus ad arma equitibus et peditibus quanto decentius poteritis considerata diligenter qualitate negotii praedicti nos iuvetis et eosdem homines armis competentibus bene munitos habeatis ad nos ad diem et locum praedictos ad proficiscendum exinde nobiscum in obsequium nostrum supradictum, vel de alio subsidio competenti nos ad eosdem diem et locum ita curialiter respiciatis et gratanter, quod vestro mediante subsidio negotia nostra praedicta ad nostrum et vestrum honorem et commodum et populi regni nostri tranquillitatem et quietem perpetuam feliciter valeant expediri, et quod vobis exinde in futurum arctius teneamur. Et si forsitan ad eosdem diem et locum obstante aliquo impedimento (quod absit) praemissa facere nonpossitis, tune ea postea ita festinanter compleatis, quod ex hoc perpendere possimus qualem affectionem ad nostram expeditionem optatam geritis et habeatis. Pensantes intime quod in praedicto negotio status totius regni nostri, tarn ecclesiae quam populi versatur. Et de eo quod inde facere volueritis, nos sine dilatione aliqua reddatis per vestras literas certiores. Teste rege apud Gloucestriam, decimo sexto die Februarii [16 February 1322]. Per ipsum regem.

Convocatio praelatorum et cleri Cantuariensis provinciae in domo capitulari ecclesiae cathedralis Divi Pauli Londoniarum, auctoritate brevis regii reverendissimo in Christo patri ac domino Domino Thomae providentia divina Cantuariensi archiepiscopo, totius Angliae primati et metropolitano directo, inchoata vicesimo primo die mensis Martii anno Domini millesimo septingesimo decimo quarto (iuxta computationem Ecclesiae Anglicanae) anno regni serenissimi in Christo principis ac domini nostri Domini Georgii, Dei gratia Magnae Britanniae, Franciae et Hiberniae regis, fidei defensoris etc., primo [21 March 1715].

Nomina reverendorum patrum episcoporum modernorum Cantuariensis provinciae

citatorum et monitorum ad comparendum in convocatione praedicta:

Dominus Thomas [Tenison] Cantuariensis archiepiscopus.

Dominus Iohannes [Robinson] Londoniensis episcopus.

Dominus Ionathan [Trelawney] Wintoniensis episcopus.

Dominus Willelmus [Lloyd] Wigorniensis episcopus.

Dominus Iohannes [Hough] Lichensis et Coventrensis episcopus.

Dominus Richardus [Cumberland] Petriburgensis episcopus.

Dominus Willelmus [Talbot] Oxoniensis episcopus.

Dominus Iohannes [Evans] Bangorensis episcopus.

Dominus Georgius [Hooper] Bathonensis et Wellensis episcopus.

Dominus Gulielmus [Wake] Lincolniensis episcopus.

Dominus Iohannes [Tyler] Landavensis episcopus.

Dominus Offspring [Blackall] Exoniensis episcopus.

Dominus Carolus [Trimnell] Norwicensis episcopus.

Dominus Gulielmus [Fleetwood] Eliensis episcopus.

Dominus Thomas [Manningham] Cicestrensis episcopus.

Dominus Philippus [Bisse] Herefordensis episcopus.

Dominus Adamus [Ottley] Menevensis episcopus.

Dominus Franciscus [Atterbury] Roffensis episcopus.

Dominus Georgius [Smalridge] Bristoliensis episcopus.

Dominus Richardus [Willis] Gloucestrensis episcopus.

Dominus Iohannes [Wynne] Asaphensis episcopus.

Sarum vacat.

Nomina citatorum ad comparendum in domo inferiori convocationis praelatorum

et cleri Cantuariensis provinciae inchoata die et loco praedictis:

Cantuariensis:

[Georgius Stanhope, sacrae theologiae professor decanus.]

Thomas Green sacrae theologiae professor, archidiaconus.

Gulielmus Whitfield, procurator capituli.

Elias Sydall sacrae theologiae professor, rector de Ivychurch, Mongeham Magna,

Carolus Bean artium magister, procuratores cleri.

London:

Henricus Godolphin sacrae theologiae professor, decanus.

Rogerus Altham sacrae theologiae professor, praebendarius, procurator capituli.

Willelmus Stanley sacrae theologiae professor, archidiaconus London.

Thomas Gooch sacrae theologiae professor, archidiaconus Essexiae.

Gulielmus Lancaster, sacrae theologiae professor, archidiaconus Middlesexiae.

Iohannes Warley, clericus, archidiaconus Colchestriae.

Lionelus Gatford sacrae theologiae professor, archidiaconus Sancti Albani.

Gulielmus Bedford sacrae theologiae professor,

Iohannes Pelling sacrae theologiae professor, procuratores cleri.

Petriburgensis:

White Kennet, sacrae theologiae professor, decanus.

Thomas Ball sacrae theologiae professor, procurator capituli.

Richardus Cumberland artium magister, archidiaconus North[amp]ton.

Richardus Reynolds legum doctor,

Iohannes Dolben artium magister, procuratores cleri.

Notice from the archbishop to the official of York to summon a convocation on 3 September

Secundo Nonarum Augusti [4 August] 1313. Apud Beverl[ac]um. Convocatio cleri pro subsidio domino regi concedendo per officialem Eboracensem. Officiali nostro Eboracensi. Nuper cum essemus London[iis] dominus noster rex praelatos et procuratores cleri Cantuariensis provinciae tune praesentes requiri fecit ut quamdam collectam quatuor denariorum de qualibet marca beneficiorum ecclesiasticorum dictae Cantuariensis provinciae per bonae memoriae Dominum R[obertum] quondam Cantuariensem archiepiscopum, in suo provinciali concilio dudum impositam ac levatam, dicto domino regi vellent concedere ad praesumptuosam invasionem Scotorum favente Domino reprimendam.

Nos igitur ex parte eiusdem domini nostri regis cum magna fuimus instantia requisiti quod praelatos et clerum nostrae provinciae, praesertim cum propinquiores sumus periculo imminenti, efficaciter inducere curaremus ut consimile subsidium, videlicet quatuor denariorum de qualibet marca de singulis beneficiis ecclesiasticis nostrarum civitatis, dioecesis et provinciae, ob causam praedictam eidem domino nostro regi concederentur hac vice necessitate non modica perurgente.

Cum igitur absque convocatione praelatorum et cleri nostrarum civitatis, dioecesis et provinciae nequaquam valeat huiusmodi negotium expediri, vobis in virtute oboedientiae iniungimus et mandamus quatenus citetis seu citari faciatis peremptorie universos abbates, prioresque abbates proprios non habentes, ipsorumque conventus, decanos, archidiaconos et praepositos nostrae civitatis et dieocesis totumque clerum nostrum eiusdem dioecesis, quod videlicet abbates, priores, archidiaconi et praepositi per se vel per procuratores sufficienter instructos, capitula vero singula per procuratores singulos, et clerus per duos procuratores idoneos et sufficienter instructos ac plenam et sufficientem potestatem ab ipsis abbatibus, prioribus, archidiaconis, praepositis, capitulis et clero habentes, in ecclesia nostra Eboracensi tertio die mensis Septembris [3 September 1313] compareant coram nobis ad tractandum in dicta convocatione nobiscum et cum ceteris praelatis ac procuratoribus cleri nostrarum civitatis, dioecesis et provinciae super memorato subsidio concedendo, ac ad faciendum ulterius super illo quod communi videbitur iudicio faciendum. De die vero receptionis praesentium et qualiter hoc nostrum mandatum fueritis executi, nos citra dictum tertium diem Septembris per quatuor dies certificetis distincte et aperte per vestras patentes literas harum seriem continentes. Valete.