The royal mandate for the convocation

Edmundus, permissione divina Londoniensis episcopus, reverendo in Christo patri et confratri nostro Domino Mauritio, eadem permissione Roffensi episcopo, salutem ac fraternam in Domino caritatem. Vigore et auctoritate quarundam literarum a decano et capitulo ecclesiae metropoliticae Cantuariensis necnon cuiusdam brevis sive mandati illustrissimorum principium Philippi et Mariae, Dei gratia regis et reginae Angliae, Franciae, Neapolis, Ierusalem et Hiberniae fidei defensorum, principum Hispaniarum et Siciliae, archiducum Austriae et ducum Mediolani, Burgundiae et Brabantiae, comitum Haspurgi [Habsburgi], Flandriae et Tyrollis, de dato tertio die Octobris annis regnorum suorum primo et secundo [3 October 1554] pro sacra synodo et convocatione provinciali praelatorum et cleri totius provinciae Cantuariensis habenda et celebranda in eisdem contenti emanatarum et directarum, vos reverendum patrem peremptorie citamus et praemonemus, vestraeque paternitati reverendae rogando mandamus quatenus vos, decanum et capitulum ac archidiaconos ecclesiae vestrae cathedralis Roffensis, necnon ecclesiarum praelatos, exemptos et non exemptos, ac clerum vestrae diocesis peremptorie etiam citari faciatis et praemoneatis, quod vos, praefatus reveren dus pater, decanusque dictae veatrae ecclesiae cathedralis ac ceteri praelati personaliter, et capitulum eiusdem ecclesiae per unum, clerusque dictae vestrae diocesis per duos sufficientes procuratores compareant in ecclesia cathedrali Divi Pauli Londoniarum, decimo tertio die iam proximo futuri mensis Novembris [13 November 1554], cum continuatione et prorogatione dierum extunc sequentium et locorum, si et quatenus expediat, ad tractandum, consentiendum et concludendum super arduis et urgentibus negotiis securitatem et defensionem Ecclesiae Anglicanae ac pacem et tranquillitatem, bonum publicum et defensionem regni Angliae et subditorum eiusdem concernentibus, ipsis tune ibidem seriosius exponendis, vestraque et sua consilia et auxilia super eis imponenda, ac ulterius facienda, recipienda et solvenda quod tenor et effectus brevis sive mandati huiusmodi de se exigunt et requirunt. Vobis insuper reverendo patri (ut supra) rogando mandamus et iniungimus quod per literas vestras patentes harum seriem una cum schedula eisdem annexa, nomina omnium et singulorum per vos seu auctoritate vestra in hac parte citatorum et praemonitorum plene continentes et habentes sigillo vestro sigillatas, de omni eo quod in praemissis et circa ea negotia feceritis dictis die et loco praesidem sive locum tenentem dictae sacrae synodi et convocationis quemcunque qui pro tempore fuerit, debite certificare curetis. Datum in palatio nostro Londoniis vicesimo quinto die mensis Octobris anno Domini millesimo quingentesimoLIIIIetnostraetranslationisannoquintodecimo [25 October 1554].