The Convocation of 1426
Published online by Cambridge University Press: 10 January 2024
Summary
Acts of the convocation
[65r] Convocatio praelatorum et cleri Cantuariensis provinciae facta per reverendissimum in Christo patrem et dominum Dominum Henricum, permissione divina Cantuariensem archiepiscopum, totius Angliae primatem et apostolicae sedis legatum, in ecclesia Sancti Pauli Londoniarum, die Lunae, videlicet quinto decimo die mensis Aprilis anno Domini MCCCCXXVIto, indictione quarta, pontificatus sanctissimi in Christo patris et domini nostri Domini Martini, divina providentia papae quinti, anno nono, et translationis dicti reverendissimi patris anno duodecimo.
Monday 15 April 1426
Eodem vero quinto decimo die mensis Aprilis, dictus reverendissimus in Christo pater et dominus Dominus Henricus, Dei gratia Cantuariensis archiepiscopus, de mane veniebat ad dictam ecclesiam cathedralem Sancti Pauli Londoniarum, ubi celebrata per eundem reverendissimum patrem missa de Sancto Spiritu ad summum altare eiusdem ecclesiae, assistentibus eidem (ut moris est) in pontificalibus venerabilibus patribus Benedicto Menevensi, Iohanne Roffensi, Iohanne Bathonensi et Iohanne Landavensi episcopis suffra[ga]neis suis; qua finita, idem reverendissimus pater, cum praefatis suffraganeis suis et clero suae provinciae tune ibidem congregatis, ad capellam Beatae Mariae in orientali parte dictae ecclesiae cathedralis Sancti Pauli constitutam accessit, ubi facta in Latino collatione solemni per reverendum patrem Dominum Iohannem Landavensem episcopum praedictum, sumpto sibi pro themate: ‘Fiat unum ovile et unus pastor', lectum fuit certificatorium reverendi patris Domini Iohannis, Dei gratia Londoniensis episcopi, tenorem continens infrascriptum:
The bishop of London's certificate containing the archbishop's mandate
Reverendissimo in Christo patri et domino Domino Henrico, Dei gratia Cantuariensi archiepiscopo, totius Angliae primati et apostolicae sedis legato, ipsiusve locum tenentibus seu commissariis in hac parte quibuscunque, Gulielmus, permissione divina ecclesiae Londoniensis humilis minister, oboedientiam et reverentiam debitam cum honore. Commissionis vestrae literas nuper recepimus sub eo qui sequitur tenore verborum:
Henricus, permissione divina Cantuariensis archiepiscopus, totius Angliae primas et apostolicae sedis legatus, venerabili fratri nostro Domino Iohanni, Dei gratia Londoniensi episcopo, salutem et fraternam in Domino caritatem. Magna nunc arduis et urgentibus negotiis defensionem fidei iuriumque et libertatum Ecclesiae Anglicanae, necnon utilitatem rei publice ac statum et prosperitatem regis et regnicolarum eiusdem concementibus nos impellit necessitas, praelatos et clerum nostrae Cantuariensis provinciae convocare.
- Type
- Chapter
- Information
- Records of Convocation , pp. 221 - 236Publisher: Boydell & BrewerFirst published in: 2024