In Feuerher befell the sawmyn cace,

That Inglismen tuk trewis with Wallace.

This passyt our till Marche till end was socht.

The Inglismen kest all the wayis thai mocht,

With suttelte and wykkit illusione

The worthi Scottis to put to cowfusione.

In Aperill the king off Ingland come

In Cvmyrland, of Pumfrat, fro his home.

In-to Carleill till a consell he 3eid,

Quhar-off the Scottis mycht haiff full mekill dreid.

Mony Captane that was off Ingland born

Thidder thai past and semblit thar king beforn.

Na Scottis man to that consell thai cald

Bot schir Amer that traytour was off aid.

At him thai sperd how thai suld tak on hand

The rychtwys blud to scour out off Scotland.

Schir Amer said, “ Thar chyftayne can weill do,

Rycht wys in wer and has gret power to,

And now this trew gyffis thaim sic hardyment

That to 3our faith thai will nocht all consent;

Bot wald 3e do rycht as I wald 30W ler,

This pes to thaim it suld be said full der”.

Than demyt he the fals Sotheroun amang

How thai best mycht the Scottis barownis hang.

For gret bernys that tyme stud in-till Ayr,

Wrocht for the king quhen his lugyng wes thar,

Byggyt about that ro man entir mycht

Bot ane at anys nor haiff off otlw sicht,

Thar ordand thai thir lordis suld be slayne,

A Iustice maid quhilk wes off mekill mayne.

To lord Persye off this mater thai laid.

With sad awys agayne to thaim he said,

” Thai men to me has kepit treuth so lang

Desaitfully I may nocht se thaim hang.

I am thar fa and warn thaim will I nocht.

Sa 1 be quytt I rek nocht quhai 3he wrocht.

Fra thine I will and towart Glaskow draw

With our byschope to her off his new law ”.

Than chesyt thai a Iustice fers and fell

Quhilk Arnwlff hecht, as my auctour will tell,

Off South Hantoun, that huge hie her and lord.

He wndtrtuk to pyne thaim with the cord.

Ane oth*> ayr in Glaskow ordand thai

For Cliddisdaill men to stand that sawmyn day;

4Syne chargyt thaim in all wayis ernystfully

Be no kyn meyne Wallace suld nocht chaip by,

For weill thai wyst and thai men war ourthrawin

Thai mycht at will bruk Scotland as thar awin.