HIE VACHT SICH AN DAS PŮCH WIGAMURS, DES RITTERS

MIT DEM ADLER, DER BEŸ KÜNIG ARTUS WAS UND

AN DER TAFELRUNDE SASS, GAR AIN SCHÖNES.

Wir lesen in den půchen,*

der es kan dar in sůchen,

manig selczam mere

wie das ain künig wa?re

5 der was Paltriot genantt.

Der bericht Lendrie das landt

nach eren manig stundt

wan im die Seld des gundt.

Des er bejagt mangen preÿß.

10 Er was hübsch und auch weyß,

milte seines gůecz

und senft seines můecz.

Zu ritterschafft was er paldt.

Er bezwang mit gewaldt

15 was im der landt was gelegen beÿ.

Seines můettes was er freÿ.

Gar volkomen was sein leÿb.

Er het ym geleich ain weÿb,

die schönest in dem landt.

20 Sie lebt an alle schandt

frölichen manigen tag

in den sitenn als man pflag.

Ainen sun sie gewunnen

als in Got wolt gunnen,

25 des wurden sy vil fro.

Wigamur nanten sy in do.

Des kindes waren sy gemaÿdt.

Layder da geschach in laÿdt

in vil kurczen zeittenn.

30 Der künig solt reittenn,

wan nach im het gesandt

sein potten in das landt

der reich künig Artus

het geladen inn sein haus,

35 und auch sein schöne frawen,

das sye das solten schawenn:

turnÿeren und vederspill

und auch ander kurczweyl vil,

der man ze Caridol mit züchten pflag

HERE BEGINS THE MOST EXCELLENT BOOK OF WIGAMUR,

THE KNIGHT WITH THE EAGLE, WHO WAS WITH

KING ARTHUR AND SAT AT THE ROUND TABLE.

We who are able to peruse within them 1

read in books

many remarkable stories

about how there was a king

who was named Paltriot.