[Taken from a copy in the British Museum, MS. Harl. No. 7323.]

In nomine Sanctæ ac Individuæ Trinitatis, Patris, Filii, et Spiritus S, necnon beatissimæ Mariæ Virginis gloriosæ, omniumque Sanctorum Dei. Nos Henricus Dei gratia Angliæ et Franciæ rex, ac dominus Hiberniæ post conquestum Sextus, de summi rerum opificis bonitate confisi, qui vota cunctorum in eo fidentium cognoscit, dirigit, et disponit; de bonis quæ Dens in bac vita nobis de suae plenitudinis gratia tribuit abnndanter, duo perpetua collegia, unum videlicet perpetuum collegium pauperum et indigentium scholarium clericorum in studio universitatis Cantabrigiæ, Eliensis diœceseos, in diversis scientiis et facultatibus studere ac proficere debentium, Collegium Regale Beatlæ Marine et Sti. nicholai Cantabriglæ, vulgariter vero, The King's Colledge of our Lady and St. Nicholas in Cambridge, nuncupatum: et quoddam aliud Collegium perpetuum aliorum pauperum et indigentium scholarium clericorum, grammaticam addiscere debentium in villa nostra de Etona propè Windesoram, Lincolniensis diceceseos, Collegium Regale Beatæ Mariæ de Etona, vulgariter vero, The King's Colledge of our Lady of Eaton beside Windsore, similiter nuncnpatum, ad laudem, gloriam, et honorem nominis Domini nostri Jesu Christi, æ gloriosissimæ semper virginis Mariæ matris ejus, sustentationem et exaltationem Christianæ fidei, ecclesiæ sanctæ profectum, divini cultus liberaliumque artiurn, scientiarum, et facultatum augmentum, apostolica et nostra regia authoritatibus ordinavimus, instituimus, fundavimus, et stabilivimus, prout in bullis Apostolicis et literis nostris patentibus super Oniinationibus, Institutionibus, et Fundationibus ipsorum Collegiorum confectis plenius continetur. Unde nos volentes aliqua qnæ in prassenti nostræ occurrunt memoriae facere, statuere, ac etiam ordinare, quaaæ dicto nostro Regali Collegio Cantabrigiæ, scholaribus clericis, et personis aliis, ac possessionibus et bonis ejusdem collegii nostri, necnon salubri regimini eorundem, necessaria et utilia reputavimus.