The Convocation of 1442
Published online by Cambridge University Press: 10 January 2024
Summary
The archbishop's mandate
Robertas, permissione divina Dunelmensis episcopus, dilecto filio nostro priori ecclesiae nostrae cathedralis Dunelmensis, salutem, gratiam et benedictionem. Literas reverendissimi in Christo patris et domini Domini Iohannis, tituli Sanctae Balbinae sacrosanctae Romanae ecclesiae presbyteri cardinalis, Eboracensis archiepiscopi, Angliae primatis et apostolicae sedis legati nuper recepimus, tenorem qui sequitur in se continentes.
Iohannes, miseratione divina tituli Sanctae Balbinae sacrosanctae Romanae ecclesiae presbyter cardinalis, Eboracensis archiepiscopus, Angliae primas et apostolicae sedis legatus, venerabili in Christo fratri et suffraganeo nostro Domino Roberto, Dei gratia Dunelmensi episcopo, salutem et fraternam in Domino caritatem. Noveritis nos nuper recepisse breve regium in haec verba:
Henricus, Dei gratia rex Angliae et Franciae et dominus Hiberniae venerabili in Christo patri Iohanni, eadem gratia archiepiscopo Eboracensi Angliae primati, salutem. Quibusdam arduis et urgentibus negotiis nos, statum regni nostri ac honorem et utilitatem Ecclesiae Anglicanae intime concernentibus, vobis in fide et dilectione quibus nobis tenemini rogando mandamus quatenus praemissis debito intuitu attentis et ponderatis universos et singulos episcopos vestrae provinciae ac decanos et priores ecclesiarum cathedralium abbates et priores et alios electivos exemptos et non exemptos necnon archidiaconos, capitula, conventus et collegia totumque clerum cuiuslibet dioecesis eiusdem provinciae ad comparendum coram vobis in ecclesia cathedrali Beati Petri Eboracensis vel alibi prout melius expedire videritis, cum omni celeritate accommoda more debito convocari faciatis, ad tractandum, concordandum, consentiendum et concludendum super praemissis et aliis quae sibi clarius exponentur tune ibidem ex parte nostra. Et hoc sicut nos et statum dicti regni ac honorem et utilitatem ecclesiae praedictae diligitis nullatenus omittatis. Teste rege apud Westmonasterium vicesimo sexto die Ianuarii anno regni nostri vicesimo [26 January 1442].
Volentes igitur praefatis domini nostri regis parere rogatibus et mandatis, sicuti tenemur et debemus eadem diligenter exequi et implere, tenore praesentium vos peremptorie citamus ac priorem ecclesiae vestrae Dunelmensis et capitulum eiusdem universosque abbates et priores alios etiam electivos exemptos et non exemptos, archidiaconos, decanos, capitula, conventus et collegia, clerumque totum dictarum civitatis et dioecesis Dunelmensium per vos citari in virtute oboedientiae volumus et mandamus quod vos reverende frater dictique abbates, priores, archidiaconi et decani personaliter, conventus vero capitula et collegia huiusmodi per procuratores suos singulos, atque clerus per duos sufficientes procuratores et idoneos ab ipsis conventibus, capitulis, collegiis et clero legitime deputatos, in ecclesia nostra cathedrali Sancti Petri Eboracensis, quarto die mensis Octobris proximo futuro [4 October 1442]
- Type
- Chapter
- Information
- Records of Convocation , pp. 443 - 448Publisher: Boydell & BrewerFirst published in: 2024