Book contents
- Frontmatter
- Contents
- Abbreviations
- The convocations
- The York Provinciale (c. 1518)
- Appendix 1 Orders to be observed of every bishop in his diocese within the province of York
- Appendix 2 Orders to be observed in the government of the church
- Index of sources
- Index of references
- Index of names and places
- Index of subjects
- Frontmatter
- Contents
- Abbreviations
- The convocations
- The York Provinciale (c. 1518)
- Appendix 1 Orders to be observed of every bishop in his diocese within the province of York
- Appendix 2 Orders to be observed in the government of the church
- Index of sources
- Index of references
- Index of names and places
- Index of subjects
Summary
The archbishop’s mandate for the convocation
Robertas, permissione divina Eboracensis archiepiscopus, Angliae primas et metropolitanus, auctoritate illustrissmi in Christo principis et domini nostri Domini Edwardi sexti, Dei gratia Angliae, Franciae et Hiberniae regis, fidei defensoris et in terra Ecclesiae Anglicanae et Hibernicae supremi capitis legitime fulcitus, reverendo in Christo patri confratri nostro Domino Roberto, eadem gratia Carliolensi episcopo eiusve vicario in spiritualibus generali salutem, et fraternam in Domino caritatem. Breve domini nostri regis supradicti nobis directum cum ea qua decuit reverentia nuper recepimus in haec verba:
Edwardus, Dei gratia Angliae, Franciae et Hiberniae rex, fidei defensor et in terris Ecclesiae Anglicanae et Hibernicae supremum caput, reverendissimo in Christo patri Roberto, eadem gratia Eboracensi archiepiscopo, Angliae primati et metropolitano, salutem. Quibusdam arduis et urgentibus negotiis nos, securitatem et defensionem Ecclesiae Anglicanae ac pacem, tranquillitatem, bonum publicum et defensionem regni nostri et subditorum nostrorum eiusdem concernentibus, vobis in fide et dilectione quibus nobis tenemini rogando mandamus quatenus, praemissis debito intuitu attentis et ponderatis, universos et singulos episcopos vestrae provinciae ac decanos ecclesiarum cathedralium, necnon archidiaconos, capitula, collegia totumque clerum cuiuslibet dioecesis eiusdem provinciae ad comparendum coram vobis in ecclesia Sancti Petri Eboracensis quinto die Novembris proximo futuro [5 November 1547] modo debito convocari faciatis, ad tractandum, consentiendum et concludendum super praemissis et aliis quae sibi clarius exponentur tune ibidem ex parte nostra; et hoc, sicut nos et statum regni nostri ac honorem et utilitatem ecclesiae praedictae diligitis, nullatenus omittatis. Teste meipso, apud Westmonasterium, vicesimo nono die Augusti anno regni nostri primo [29 August 1547].
Quocirca reverende confrater, tenore praesentium peremptorie vos citamus ac decanum ecclesiae cathedralis Carliolensis et capitulum eiusdem, universosque et singulos collegiorum magistros, praepositos et gardianos ac alios electivos, exemptos et non exemptos, qui ab antiquo vocari, citari seu moneri solebant per vos in virtute oboedientiae citari volumus et mandamus quod vos, reverende confrater, dictique decani, archidiaconi, magistri, praepositi, gardiani ac alii electivi personaliter, capitulum vero ecclesiae Carliolensis huiusmodi per procuratorem suum sufficientem, clerusque Carliolensis dioecesis per duos sufficientes procuratores legitime deputatos in ecclesia nostra metropolitica Eboracensi quinto die Novembris proximo futuro post datum praesentium [5 November 1547] inter horas octavam et nonam ante meridiem eiusdem diei, cum continuatione et prorogatione dierum tune sequentium si opus fuerit, et locorum, coram nobis aut nostris locum tenentibus, commissariis sive commissario, pluribus aut uno, in ea parte deputatis aut deputandis, compareatis et compareat quilibet eorundem,
- Type
- Chapter
- Information
- Records of Convocation XIVYork, 1461-1625, pp. 261 - 272Publisher: Boydell & BrewerFirst published in: 2024