Paris, Bibliothegrave;que nationale de France, MS fr. 24069, fol. 115r–fol.

115v

Statutes of the Armourers of Paris, 1296

Cest ce que li armeurier de p[ar]is eut ordene & accorde pour le profit de lour mestier et pour eschiuer les frauds les faussetes et les mauesties qui en dit mestier estoient fetes &ont este en temps passe que nus ne puisse f[et]e cote ne gamboison de tele dont lenu[er]s et lendroit ne soit de tele noeue et dedenz de coton et de plois de toiles et Se enisq[ue]s est q[u]il soeint dedenz decroes que p[ar] lour s[er]emenz que il ni metent escroe de tele dont laune nait contre viij d au meins Se len fait cote ne gamboison dont lendroit soit de cendal et lenu[er]s soit de tele Si Soeule[men]t il que ele soit noeue et Se il ia ploit dedenz de tele ne de cendal que le plus cort ploit soit de demie aune et demi q[u]artier de lonc au meins deuant & autant derrieres et les autr[e]s plois lons ensiuans et Se il ia borre de soie que le leit de la borre Soit de demie aune et demy q[ua]rtier au meins deua[n]t et autant derrieres et Se il ia coton que le coton vienge tout [con]t[re]ual Jusques aus piez que nul ne Cueure bacin qui ne soit sainz puiz plain ponce puiz le p[ar]tus en amont et que nulles gorg[er]etes a bacin ne soient fetes que lendroit et lenu[er]s ne Soient neufz et couces de coton dedenz que nuls ne puisse fete couu[er]tures a cheual do[n]t lendroit & lenu[er]s ne soit neuf ‘ et couces de coton de coton de len’ que len ne puisse broch’ Se il ne sont arriere poinc’ ganteles de baleine fors sus teiles noueus et q[u]il seront de bone baleine q’ nuls ne face ganteles de plates q’ les plates ne soient estaimees ou v[er]nicees et que il ne soient pas couu[er]s de basaine noire ne de mesgueiz et q’ desouz les testes de chescun clou ait vn Riuet dargent pel ou dor pel ou aut[re].