“Capta urbe, nihil sit reliqui victis. Sed, per Deos immortales, vos ego appello, qui semper domos, villas, signa, tabulas vestras, tantæ æstimationis secistis; si ista, cujuscumque modi sint, quæ amplexamini, retinere, si voluptatibus vestris otium præbere vultis; expergiscimini aliquando, & capessite rempublicam. Non agitur nunc de sociorum injuriis; Libertas & Animanostra in dubio est. Dux hostium cum exercitu supra caput est. Vos cunctamini ætam nunc, & dubitatis quid faciatis? Scilicet, res ipsa asperæ est, sed vos non timetis eam. Imo vero maxume; sed inertia & mollitia animi, alius alium expectantes, cunctamini; videlicet, Diis immortalibus consisi, qui hanc rempublicam in maxumis periculis servavere. Non Votis, neque Suppliciis Mulibribus, Auxilia Deorum Parantur: vigilando, agendo, bene consulendo, prospere omnia cedunt. Ubi socordiæ tete atque ignaviæ tradideris, nequicquam Deos implores; irati, infestique sunt.”