Statuta Collegii de GONEVILLE et CAIUS per Johannem Caium unum fundatorum ejusdem.

Johannes Caius Artium et Medicinæ Doctor Magistro sive Custodi et Sociis Collegii de Goneville et Caius fundati in honorem Annunciationis beatæ, Mariæ Virginis in Universitate Cantabrigiæ Salutem et virtutis atque literarum perpetuum augmentum.

1. Authoritate regia serenissimorum principum Philippi et Mariæ Dei gratia Regis et Reginæ Angliæ, Hispaniarum, Franciæ, utriusque Siciliæ Iherusalem, et Hiberniæ, fidei defensorum, &c, per literas suas patentes datas Westmonasterii quarto die Septembris anno Domini 1557 et annis regnorum suorum quarto et quinto concessa, præscribimus vobis, (fllii charissimi) statuta et regulas vivendi, prout ad quemque vestrum maxime quæque pertineant, quo vestro Collegio bene sit, vos in eo feliciter vivatis, et bonis literis virtuteque cum gloria proficiatis ad Dei honorem, Reipublicse usum et rem vestram. Non solum enim possessionibus sedificiisque ampliare, sed honoribus etiam et consiliis Collegium vestrum et vos ornare et amplificare veheraenter cupimus. Et quanquam statuta Rev. Patris Willmi Baleman Norwicensis Episcopi (quæ revereor et observo) satis multa et efficacia fuere suo seculo, in quo omnia meliora, sedatiora, et moderatiora fuerunt, ratio tamen personarum atque rerum, morum et ingeniorum nostri temporis, vivendique licentia insolentior aliarn dietam, alias leges postulat: etsi apud literarum studiosos conveniret ut bonum et honestum non legibus magis quam natura valeret. Ut id quoque adjiciam, habendam etiam rationem aliquam rerum et fundorum Collegii vestri et eorum quse ad fundos pertinent, quibus prospectum minus est a Rev. Patre, quod ejus aetate omnino nulla prædia erant præterquam appropriationes quædam beneficiorum et eae paucae. Quare primo de personis : mox de rebus Collegii vestri statuemus.