The archbishop's mandate to the bishop of Durham

Henricus, permissione divina Eboracensis archiepiscopus, Angliae primas venerabili fratri nostro Thomae [81v] eadem permissione Dunelmensi episcopo, salutem et fraternam in Domino caritatem. Ob ardua siquidem et urgentia negotia effectum unionis et reformationis status universalis ecclesiae tarn in capite quam in membris, et praecipue utilitatem et honorem nostrae provinciae Eboracensis concernentia nostrum concilium provinciale duxerimus convocandum; tenore igitur praesentium peremptorie vos citamus quatenus die Iovis proximo post Dominicam qua cantatur ‘Quasimodo geniti', videlicet ultimo die mensis Aprilis proxime venturo [30 April 1416], coram nobis seu nostris commissariis uno vel pluribus, in ecclesia nostra cathedrali Eboracensi personaliter compareatis cum continuatione et prorogatione dierum tune sequentium et loeorum, facienda, si oporteat, ad tractandum una nobiscum seu dictis nostris commissariis ceterisque praefatae nostrae provinciae praelatis atque clero de et super praemissis arduis et urgentibus negotiis ac contends in literis sanctae synodi Constantiae nobis directis tune ibidem seriosius reservandis vestram super eis auxilium et consilium impensuris, et ad consentiendum his quae ibidem ex deliberatione communi ad honorem Dei et ecclesiae ac praelatorum et cleri dictae provinciae utilitatem contigerit ordinari, faciendumque ulterius et recepturum quod iustum fuerit et praemissorum qualitas exigit et requirit; vestrae insuper fraternitati iniungimus et mandamus quatenus priorem et capitulum ecclesiae vestrae cathedralis Dunelmensis, abbates, priores conventus sub se habentes, archidiaconos, decanos, praepositos, et alios ecclesiarum praelatos, exemptos et non exemptos, vestrae dioecesis quoscumque et clerum necnon capitula, conventus et collegia eiusdem dioecesis citari faciatis peremptorie quod iidem prior, abbates, priores, archidiaconi, decani, praepositi et ceteri ecclesiarum praelati, exempti et non exempti, quicunque personaliter, capitula, conventus et collegia per unum, clerusque vestrae dioecesis per duos procuratores sufficienti potestate suffultos compareant coram nobis seu nostris commissariis uno vel pluribus, loco et die superius expressatis, cum continuatione et prorogatione dierum tune sequentium et loeorum, suaque eonsilia et auxilia impendendum et ad consentiendum una nobiscum intersint ad tractandum, praelatisque aliis et clero praedictis tune ad praemissa vocandis, prout superius est expressum, faciendumque ulterius et recepturum in omnibus et per omnia quod iustum fuerit et praemissorum qualitas exigit et requirit.