Saint Bartholomew
Published online by Cambridge University Press: 10 June 2023
Summary
Life of Saint Bartholomew from Brussels, Bibliothèque royale de Belgique, MS 1116, fols 166–68
Dit is die geboerte des helighen gloriosen apostels sinte bertholomeus gheboren van coninclyken gheslechte
[Fol. 166v, col 2.]
Hets gheweest een edel baender here uuten conicliken gheslechte van Syerien, hebbenden een zeer edele doegsame huysvrouwe. Dese twee tsamen goddiensteliken levende en consten geen vrucht vercrighen, wair af dat die edele here zeere bedruckt ende bedrueft was. Soe heeft dese edele here belofte ghedaen den almechtegen God van Israhel wairt dat sake dat hi hem een kint verleende van sijnder edelre vrouwen; hi soudet stellen in den dyenste van God van Israhel. Het is geschyet na der geloften dat sijn huysvrouwe heeft begort. Doen dese edele vrouwe kint droech, soe dochte hair si enen sone droech, die volcomlijc macht hebben soude boven allen den duvelen van der hellen. Doen dese edele vrouwe in arbeyde gins, soe dochte hair in haren vysioen dat si sach een Hecht dat allen die werelt verliechte, ende allen nachtelijke donckerheit verclaerde.
Si heeft gebaert ende ter werelt bracht enen lief elijcken, scoenen sone. Om der tekenen wille die dese werdeghe vrouwe te voren gesien hadde soe en wildese geen voester hebben, mer si woude dat kint opvoeden met haren moederlijken borsten. Want die viant van der hellen benijdende is allen doechdelijke werken ende wiste dat dit kint was geboren metten welcken soude ghesterck worden dat heilighe kersten geloeve ende dat hi sonde macht hebben boven die vianden van der hellen. Soe is die viant comen enden heeft grote vergaederinge ghemaect van sijnen ghesellen ende heeft hen te kennen gegeven hoe dat aldus danighen kint is geboren gheweest ende heeft gevraecht wat sij hier tegens souden moegen doen. Doen antwoerde een der vianden: ‘Ghi sult mi nemen ende veeschen mi met veeschen ende legghen mi in der wyeghen, dairt tkint in leet. Ende dat ionghe kint suldi dragen in hoghe sneeu berghen ende worpent in die diepe hoevelen, soe saelt sterven van groten rouwe ende versmachten in den sneeu.’ Die duvel heeft dat kint genomen uuter vvyeghen ende gedragen in den geberchte ende dat lief elijc scoen edel cleyn kindekijn in den sneeu geworpen.
- Type
- Chapter
- Information
- The Medieval ChangelingHealth, Childcare, and the Family Unit, pp. 216 - 223Publisher: Boydell & BrewerPrint publication year: 2023